呢兩日幫影音使團做後台，都好好玩。見到Ｄ明星啦，個感覺真係好過隱；又識到漁民，佢好鬼好玩架！嘻嘻…都學到野既，要做好份內事囉…

呢排睇返《Feel100%》，不覺間又會好似許樂咁俾一Ｄ女仔一個分數；而自己亦想搵自己心目中100分既女仔。但係諗下諗下，原來我一直都未搵到一個係我心目中有100分既女仔…（有90分以上都有既…）仲有原來呢樣野係好易變，而家又唔同左lu…所以呢，都係順其自然啦！

呢排都好多人唔想返教會，唉…希望唔好咁啦。

今日既行程係水上樂園，不過就好多野都冇玩（太多人），不過都好開心。開心唔係單因為去玩，而係咁又多一班會搵我玩既朋友（細魚啦、潔欣啦、Kitty啦…）！

而琴日又去左打波，估唔到新黎既神學生Kinno咁勁，我諗都要林子揚先攪得掂佢（仲有諗唔到潔欣都打得唔錯）。之後返到屋企呢，又有Angel同敏枝搵我傾謁，真係估都估唔到！點解？識左唔係好耐之嘛，你知啦，又唔會無啦啦搵個女仔架嘛，最開心當然又係個句：「又識到『朋友』！」我覺得人地當你係朋友你好開心架！哈哈…多謝多謝！（P.S.放三個月大假…）

今日同錦榮食飯，學到好多野，好多謝佢。之後仲遊車河，去左佢屋企。我睇返以前既相，原來歲月真係不饒人…諗下，又已經十六年，哈哈！

今日又睇左《暴雨驕陽》，好正！點正嘛…你自己睇啦！睇下套戲對「生命」有乜睇法。"What is"Life"？"哈哈！

呢排真係唔係好掂，又通頂…點解？同波仔打機傾謁囉。我都想快Ｄ搵到野做，如果唔係就…總之大鑊啦～我諗近期都好多誤會，志雄等等都好似唔係好妥，希望快Ｄ冇事。

上個禮拜去左軒仔、龐鳴同MAY姐屋企傾左一個通宵，好正！好耐都冇試過傾謁傾通宵。呢個page幾時做好呀？我諗…希望盡快啦！

終於睇左「真心話」，係套正戲（vcd）。初時我都唔覺個男主角似林子揚，睇落就真係好似！而套戲就真係幾感動，正好反映而家既年青人究竟係點樣。講真，做朋友貴乎坦誠之嘛，將個心擺出黎，大家用個心去交朋友既話，我諗就唔會咁煩。有人可能會話：「你當人兄弟，人地當你契弟。」咁好傷架喎。冇計啦，朋友，就應該係講真心話。